اسلام آباد: آئل اینڈ گیس ریگولیٹری اتھارٹی (اوگرا) نے عالمی منڈی میں تیل کی قیمتوں میں اتار چڑھاؤ کے باعث آئندہ 24 گھنٹوں کے لیے پیٹرولیم مصنوعات کی نئی قیمتوں کا اعلان کر دیا ہے۔
جاری کردہ نوٹیفکیشن کے مطابق پیٹرول کی قیمت میں 35 پیسے فی لیٹر کمی کی گئی ہے، جس کے بعد نئی قیمت 315 روپے 80 پیسے فی لیٹر مقرر کر دی گئی ہے۔
دوسری جانب ہائی اسپیڈ ڈیزل کی قیمت میں 5 روپے 71 پیسے فی لیٹر اضافہ کیا گیا ہے، جس کے بعد ڈیزل کی نئی قیمت 360 روپے 6 پیسے فی لیٹر ہو گئی ہے۔
اوگرا کے مطابق یہ قیمتیں عالمی منڈی میں خام تیل کی قیمتوں میں ہونے والی تبدیلیوں کے پیش نظر مقرر کی گئی ہیں اور ان کا اطلاق رات 12 بجے سے اگلے 24 گھنٹوں تک مؤثر رہے گا۔
حکام کا کہنا ہے کہ پیٹرولیم مصنوعات کی قیمتوں کا باقاعدہ جائزہ عالمی مارکیٹ کے رجحانات اور درآمدی لاگت کو مدنظر رکھتے ہوئے لیا جاتا ہے، جس کے بعد نئی قیمتوں کا تعین کیا جاتا ہے۔
